Bie çmimi i naftës

Çmimi i naftës në tregun ndërkombëtar sot ka pësuar rënie për më shumë se 2 për qind për shkak të dhënave për kërkesën dhe rritjen e stokut të naftës në SHBA.

Në tregun londinez çmimi i barelit ka ra për 1.54 dollarë ose 2.47 për qind në krahasim me mbylljen e kaluar që ishte 60.75 dollarë. Në tregun amerikan çmimi i barelit ka rënë për 1.46 dollarë ose 2.74 për qind, në 51.81 dollarë.

Qeveria amerikane ka ulur dje vlerësimin e rritjes së kërkesës në botë për vitin 2019 dhe prodhimin e naftës në SHBA.

Edhe rritja e papritur e stokut të naftës në SHBA ka ndikuar në çmimin e naftës.

Të dhënat e Institutit Amerikanë për Naftë, API, dëshmojnë se sasia e naftës bruto në SHBA është rritur brenda javës për 4.9 milionë barel, në 482.8 milionë barel. Ndërsa analistët kishin parashikuar një  rënie të sasisë së  naftës  për 481.000 barel brenda javës. Tensionet tregtare në mes të dy konsumatorëve më të mëdhenj të naftës, Shteteve të Bashkuara dhe Kinës, gjithashtu ndikojnë në çmimin e naftës.