Takimi me Presidentin/ Aleatët e PD, Shehi: Data e re do të dalë…

Pas takimit të parë të Presidentit Meta me me krerët e partive të Grupimit të Qendrës se Djathtë, si pjesë e konsultimeve për të caktuar datën e re të zgjedhjeve, kryetari i LZHK-së, Dashamir Shehi, tha se një datë e re për zgjedhjet do të derivojë nga një marrëveshje politike:

“Qe një takim shumë miqësor dhe sipas tezës së presidenti, u munduam që të sqarojmë këtë situatë. E falënderuam për këtë që ka bërë për zgjidhjen e krizës, por gjykojnë se si takimi i parë në këtë situatë kaq të rëndë, idetë janë të përgjithshme. Aksioni opozitar nuk mund të reduktohet,” ndërsa për datën e re të zgjedhjeve ai sqaroi:

“Dita e zgjedhjeve duhet të jetë derivat i një analize tjetër, çfarë duhet të bëjmë që zgjedhjet të jenë të pranueshme.  Mundësia e një marrëveshje politike, që të merren në konsideratë kërkesat e opozitës. Është bërë një hap i vogël në rrugën e duhur. Data do të dalë nga marrëveshja politike. Pa asnjë propozim në tryezë.”

Ndryshe, pas publikimit të Dekretit i cili anulon datën e zgjedhjeve 30 Qershor, në Fletoren Zyrtare, Presidenti i Republikës nis sot konsultimet për të caktuar datën e re të zgjedhjeve.