Edi Rama kërcënon/ Përgjigje, PD: Shqiptarët janë të vendosur për të ndëshkuar politikanët e lidhur me krimin!

“Nuk do të lejohet të dalin nga vendi 5-10 vite kush kryen krim elektoral!” Pas këtij kërcënimi të Kryeministrit Edi Rama ka reaguar Partia Demokratike përmes Nënkryetarit Edmond Spaho duke theksuar se pasi i la pa gjykata dhe drejtësi, Edi Rama sot i kërcënoi shqiptarët se do t’u heqë lirinë për të lëvizur nëpër botë, të cilën e fituan pas shumë vuajtjesh e sakrificash.

“Polici, gazlotjellës, dhunë, kërcënime frikësim, përçarje dhe nxitje të vëllavrasjes. Këto janë mjetet me të cilat Edi Rama po përpiqet të ruajë pushtetin dhe paratë që ka vjedhur,” tha Edmond Spaho duke i bërë të qartë Kryeministrit Edi Rama se nuk do ta shpëtojë dot asgjë:

“Opozita është e palëkundër kundër pushtetit të tij kriminal dhe shqiptarët janë të vendosur për të mbrojtur demokracinë dhe për të ndëshkuar politikanët e lidhur me krimin.”