Zëdhënësja e re e Shtëpisë së Bardhë, Stephanie Grisham

Zonja e parë, Melania Trump bëri të ditur nëpërmjet Twitter se Stephanie Grisham, që ka shërbyer si zëdhënëse e saj, do të jetë personi që do të zërë vendin e Sarah Huckabee Sanders që u largua nga posti i zëdhënëses së Shtëpisë së bardhë.

Emri i Grisham është lakuar prej kohësh si favoritja për këtë pozicion dhe është e treta në radhë pas Sean Spicer dhe Sanders. Ndërkohë kjo është hera e dytë që Shtëpia e Bardhë bashkon në një person detyrën e zëdhënësit dhe drejtorit të komunikimit.

Sanders mbështeti këtë emërim duke thënë se Grisham do jetë një aset shumë i rëndësishëm për Presidentin.

Grisham ka pasur në pronësi një firmë të marrëdhënieve me publikun me bazë në Arizona dhe ka shërbyer si pjesëtare e ekipit të tranzicionit të Trump. Ajo ka pasur marrëdhënie shumë të mira në East Wing dhe West Wing, çka e bëri si favoriten kryesore në mesin e të brëndëshmëve të Shtëpisë së Bardhë. /E.N./