30 Qershori/ Bashkia Shkodër kërkesë KZAZ-ve, lironi pronat tona!
Një ditë përpara datës së zgjedhjeve të Edi Ramës, 30 Qershor, Bashkia Shkodër u kërkon KZAZ-ve të mos përdorin ndërtesat në pronësi dhe administrim nga kjo Bashki.
“Askush nuk është i lejuar t’i përdorë ato për qëllime të tjera pa autorizimin e Bashkisë Shkodër. Sipas përcaktimit ligjor, ky objekt është i paprekshëm pa lejen e institucionit të Bashkisë Shkodër”, thuhet në vendimin e firmosur nga kryetarja e Bashkisë Voltana Ademi.
Kështu, Bashkia Shkodër ripërsërit kërkesën për lirimin e ambienteve pronë e kësaj bashkie, me theks të veçant ambientet shkollore që sot janë uzurpuar nga regjimi i Edi Ramës ndonëse data e zgjedhjeve 30 Qershor është anuluar me Dekret të Presidentit dhe është publikuar në Fletoren Zyrtare.
