E duan 20 % e shqiptarëve, Kryeministri Edi Rama feston!

Me polici dhe ushtri, gjykatë dhe prokurori, dhe një Presidencë të shkelur me këmbë, sot Kryeministri Edi Rama arriti ti çon pranë kutive të votimit ose ti mbushë ato, 21.6 për qind të shqiptarëve, dhe festoi me një delir të paparë.    

“Sot ishte 30 qershori i një Shqipërie që për shumë mua përjetoi dramën e një përçarjeje të rëndë politike, të frymëzuar, nxitur dhe organizuar për të ndaluar ecjen tonë përpara në rrugën e normalitetit shoqëror, bashkëjetesës demokratike dhe integrimit të popullit shqiptar në familjen e popujve të Europës,” tha Edi Rama I shoqëruar me duartroktitje që zili do ti kishte edhe paraardhësi I tij Enver Hoxha.

“Sot ishte dita e zgjedhjeve vendore të radhës, e cila u kthye muaj pas muaji në ditën kulmore të një përplasjeje historike mes të shkuarës dhe të ardhmes, mes harbutërisë dhe qytetarisë, mes antishtetit dhe shtetit, mes pandëshkueshmërisë dhe drejtësisë, mes politikës së forcës dhe forcës së politikës, mes dhunës kërcënuese të së djeshmes dhe shpresës së natyrshme tek e nesërmja, mes Shqipërisë së vjetër të padrejtësisë, të fantazmave e të fosileve të historisë dhe Shqipërisë së drejtë që duam për të gjithë fëmijët e kësaj bote që të parën kanë shqiptuar fjalën nënë.

Sot fitoi e ardhmja, fitoi shteti, fitoi forca e politikës, fitoi qytetaria, fitoi shpresa, fitoi me të drejtë e me dinjitet Shqipëria e nesërme europiane e  fëmijëve tanë, humbi me të drejtë dhe me turp Shqipëria e djeshme e politikës pa din e as iman,” duke mos thënë as edhe një fjalë për atë që mundësoi zgjedhje të lira dhe të qeta siç I kishte menduar Edi Rama, Opozitën.

“Ishte një fitore e vështirë, mbase më e vështira në betejat e derisotme zgjedhore të Shqipërisë, enë vetë nuk e mbaj mend një më të vështirë, sepse nuk luftuan mes vedi kundërshtarë, sado të ndërkryer kundër njëri-tjetrit në zgjedhje, por luftoi vetë sistemi ende i brishtë demokratik me kundërshtarët e ndërkryer të vetë zgjedhjeve,” foli dhe foli Edi Rama, u duartrokit dhe u duratrokit pa e pranuar para opinionit public as edhenjë sekondë reflektimi pse realizoi ditën më të turpshme në historinë e kombit shqiptar.

Nga sot, Shqipëria nuk do të shohë më djegie mandatesh, parti molotovësh, bojkot zgjedhjesh dhe fronte armiqësore politike kundër të drejtës së popullit për të zgjedhur, tha njeriu që vetëm me këto mjete politike erdhi në pushtet.

Përveç mungesës së reflektimit ai vazhdoi të këmbëngul se do të jetë Kryeministër deri në fund të mandatit:

“Nga nesër, 30 qershori është thjesht histori. Ndërsa ditët, muajt e vitet që do ta pasojnë, nga nesër deri në fund të mandatit tonë qeverisës, si edhe në katër vitet e mandatit të ri të qeverisjes vendore, janë borxhi ynë, prej dje i shumëfishuar, dhe prej sot i tejkaluar në shumëfishim, ndaj të gjithë atyre që i dhanë Shqipërisë fitoren e sotme,” duke lemerisur edhe ata që po e duatrokitnin pa e kuptuar se çfarë është shumëfishuar .

Me këtë rast ndonëse tha se dëshiron të jetë shumë i qartë qysh sot, lidhur me opozitën nëse duan paqe politike, paqe do të kenë. Dhe, paqja sipas Edi Ramës, i cili prej sot i ka të gjitha pushtetet dhe shuan të gjitha kuriozitetet duke filluar që sot të flas si diktator, u shpreh:

“Paqja mund të fillojë vetëm duke u tërhequr, pak e nga pak, por në mënyrë të dukshme, nga sulmet kundër Shqipërisë në gjuhë të huaj. Nëse duan marrëveshje për Shqipërinë, marrëveshje do të kenë. Dhe marrëveshja mund të ndërtohet vetëm me dialog, pa kushte dhe me shprehjen pa ngurrim të vullnetit për t’u angazhuar, të gjithë bashkarisht për të ndihmuar çeljen e negociatave për anëtarësim në Bashkimin Europian.”

Dhe, ashtu siç ishte edhe pa gjithë këto pushtete, vazhdoi me kërcënime:

“Revolucioni imagjinar i administratave bashkiake u kthye në një disfatë spektakolare, për udhëheqësit, organizatorët dhe aktivistët e verbër të tij.

Kush kaloi vijën e kuqe të ligjit gjatë veprimtarisë revolucionare, duhet të ndëshkohet e të paguajë, një më një, deri në fund dhe në proporcion të drejtë me fajin e përcaktuar ligjërisht. Ndërsa kush ka qenë, thjesht një viktimë e presionit të operatorëve turistikë të agjencisë opozitare të protestave dhe ka zbritur në bulevard si turist politik paqësor, nuk duhet dhe nuk do të preket kurrsesi për këtë arsye, në të drejtën e tij, për të vazhduar punën në administratat apo në ndërmarrjet bashkiake,” tha madje edhe duke gënjyer dhe duke harruar kush janë ata që ikën në emigracion, apo janë harruar sepse ishin pjesë e administratës së Saliut që ky i largoi nga puna me një të rënë të lapsit. Dhe sërish gënjen: “Asnjë grua apo vajzë, në radhë të parë, nuk do të largohet nga puna në asnjë nga bashkitë e djathta të mandatit që skadoi sot. Asnjë revansh i natyrës politike me administratën nuk do të tolerohet dhe asnjë hyrje triumfaliste, prej ushtrie fitimtare partiake në kërkim të vendeve të punës në administratë, nuk do të lejohet,” tha hakmarrësi më i madh politikës që ka njohur historia shqiptare dhe sot vazhdon dhe paguan shteti shqiptarë për të larguarit nga puna që kanë fituar gjyqet.