Avni Rustemi junior merr kot: Timonieri ynë ka timon por s’ka frena!
Pas shfaqjes së shëmtuar që dha dje Presidenti i Republikës, dhe mediat që e mbështesin veprimtarinë e tij u mburrën me Ilr iMetën që na u bë edhe Avni Rustem, mëngjesi i sotëm na pret me një President i cili është bërë me krah thuajse gjithë natën ka pirë Red Bull.
Ilir Meta u zgjua në mëngjes për të na treguar se kush është Ramaforma për të cilën u angazhua më shumë se vetë Edi Rama dhe për të na dëshmuar se Edi Rama nuk ka frena:
“Timonieri ynë ka timon por s’ka frena, dhe si i tillë shquhet për “krijimtari” të papërmbajtshme. Pas pak po e nisim me Kryereformën në drejtësi meqënëse pas pak ditësh nisim festimet për 3-vjetorin e miratimit të saj me 140 vota, duartrokitje dhe puthje të papërmbajtura.”
Pas 40 minutave Avni Rustemi jep edhe “Refleksione” mbi Ramaformat!
Sot, Ilir Meta mund të shkruaj çfarë ti do kokërra e qejfit si për Kryeministrin ashtu edhe Reformat, por meqë e bënë hidraulikun, shqiptarë e dinë se Edi Rama kurrë ka pasur frena, edhe kur ai e promovonte!
Sa i përket Ambasadave, Ambasadori i SHBA në kohën kur Ilir Meta ishte Kryeministër, më shumë rrinte në Zyrëne t ij se në Ambasadë. Dallimi i vetëm ishte se Kryeministri Ilir Meta kishte punë me ambasadorin e klasit të parë siç ishte Ambasadori Limpreht dhe një lider opozitar gjithashtu i klasit të parë si Sali Berisha.
Sa për “Deep State”, asgjë nuk i ka munguar Kryeministrit Ilir Meta, kjo ishte dhe arsyeja se në kohën kur ai ishte kryeministër nuk ishte diktaturë por anarki!
Sot Kryeministri Edi Rama dallohet vetëm për një gjë, ka hap kot luftë me bashkëpartiakun dhe mikun e tij të deridjeshëm komunist, Ilir Meta!
Postimi i parë Metës
Mirëmëngjes të dashur qytetarë!
Reforma apo Ramaforma? Kjo është çështja. Po çfarë është Ramaforma? Përgjigje e thjeshtë: Zbatimi ”krijues” i Reformës. Timonieri ynë ka timon por s’ka frena, dhe si i tillë shquhet për “krijimtari” të papërmbajtshme.
Pas pak po e nisim me Kryereformën në drejtësi meqënëse pas pak ditësh nisim festimet për 3-vjetorin e miratimit të saj me 140 vota, duartrokitje dhe puthje të papërmbajtura.
Postimi i dytë i Metes
“Refleksione” mbi Ramaformat (Drejtësia e para)
Reforma në Drejtësi me të drejtë u vlerësua nga mbi 90% e qytetarëve si domosdoshmëri ulëritëse për t’i dhënë fund korrupsionit dhe pandëshkueshmërisë, si dhe për të rritur besimin te sundimi i ligjit.
Shumë misione ekspertësh ndërkombëtarë u angazhuan dy vite para miratimit të saj në Kuvend dhe shumë programe financimi vazhdojnë edhe sot.
Por baza e konsensusit të arritur ishin vetëm rekomandimet e Komisionit të Venecias, që është institucioni më prestigjioz në Europë dhe i pranuar nga të gjitha palët, brenda vendit por dhe nga partnerët ndërkombëtarë.
Për këtë Reformë u angazhuan profesorët më të mirë të Europës në të drejtën kushtetuese, të cilët bënë një punë të shkëlqyer për të garantuar një sistem drejtësie të pavarur dhe të pakapur nga politika.
Profesionalizmi dhe paanësia e tyre garantoi konsensusin historik me 140 vota, duartrokitje dhe puthje të papërmbajtshme.
Pra Reforma në Drejtësi u bazua te Komisioni i Venecias.
Po Ramaforma ku bazohet?!!
Përsëri frymëzimi buron nga Venecia, por jo nga Komisioni, por nga Bienalja e Venecias.
Pse? Sepse timonieri ynë është vetëm Artist.
Ju të gjithë e dini arritjen më të freskët të Ramaformës në Drejtësi, pikërisht momentin kur Kolegji Zgjedhor duke shqyrtuar hallin e Idajetit trukoi se kishte rrëzuar Dekretin e Presidentit.
Pas pak fillojmë me sqarimin e momentit historik të ndryshimit cilësor nga Reformë në Ramaformë.
Ky do të jetë një cikël i gjatë, shpjegues dhe çtensionues.
Pasi të përfundojmë me Ramaformën në Drejtësi, do vijojmë me Ramaformat në të gjitha fushat e jetës.
Falëminderit për durimin tuaj!
