Krimet zgjedhore të 30 Qershorit, Padia e PD Kukës: Votuan persona që s’janë në Shqipëri, të verifikohet TIMS

Partia Demokratike Dega Kukës, ka paditur sot komisionerët e 14 qendrave të votimit të Bashkisë Kukës për krimet zgjedhore të 30 Qershorit, falsifikimin e rezultatit të zgjedhjeve dhe shkeljen e fshehtësisë së votimit.

Në padi kërkohet sekuestrimi i listës së personave që kanë votuar, për ta krahasuar me sistemin TIMS, për të verifikuar praninë e tyre në vend me 30 qershor.

Në padi përmendet dalja e numrit më të lartë të fletëvotimeve sesa numrit të votuesve, fenomen i përhapur gjerësisht, jo vetëm në qytetin e Kukësit, por në të gjitha njësitë administrative të bashkisë Kukës.