Raporti/ Bizneset shqiptare do të punësonin malazezë; Kosova shqiptarët…

Sipas një raporti të fundit të “Balkan Barometer”. ka më shumë biznese të Europës Juglinndore, që janë të gatshëm të punësojnë punëtorë nga jashtë, 43% kundrejt atyre që nuk shprehin këtë gatishmëri dhe janë 28%.

Po Shqipëria? Bizneset shqiptare janë më pak të gatshmit për të punësuar njerëz nga Ballkani, vetëm 33% e bizneseve shqiptare do të punësonin nga vendet fqinje, krahasuar me 51% serbe, 50 % boshnjake, 49% maqedonase, 46 % malazeze dhe 44 % kosovare. Sa i përket nacionalitetit, bizneset shqiptare preferojnë të punësojnë njerëz nga Mali i Zi, ndërsa vetë shqiptarët i kanë dyert e hapura më së shumti në Kosovë, pastaj në Maqedoninë e Veriut, Bosnjë dhe më pak në Serbi.

Krahasuar me vitin e mëparshëm të anketimit, ekonomitë e Ballkanit janë pak më pak të prirur të punësojnë punëtorë jashtë vendit, 3.2 në 2017 krahasuar me 3.1 në vitin 2018.

Më shumë se gjysma e bizneseve nga Kosova dhe Bosnja dhe Hercegovina janë gati të punësojnë punëtorë nga jashtë, ndërsa Republika e Maqedonisë së Veriut është më konservatore, me vetëm 18% të bizneseve të gatshëm për të gjetur punëtorë jashtë vendit. Kompanitë më të mëdha dhe eksportuesit kanë më shumë gjasa të punësojnë njerëz nga jashtë.

Pothuajse gjysma e menaxherëve të anketuar ka të ngjarë të punësojnë një punëtor të kualifikuar nga një ekonomi tjetër e EJL. Serbia dhe Mali i Zi janë më të hapur për një punësim të tillë (rreth 60%), ndërsa Shqipëria është më konservatore (43%).

Përsëri, firmat më të mëdha dhe eksportuesit kanë më shumë gjasa të punësojnë njerëz nga ekonomitë e tjera të EJL. Rreth gjysma e ndërmarrjeve të EJL do të punësonin një punëtor nga Serbia, Bosnja dhe Hercegovina apo Republika e Maqedonisë Veriore, ndërkohë që vetëm 30 % e kompanive do të punësonte punëtorë nga Shqipëria.

Ashtu si në vitin e mëparshëm, Serbia dhe Bosnja e Hercegovina do të preferonin të shkëmbenin punëtorë me njëri-tjetrin (85% e kompanive serbe do të punësonin punëtorë boshnjakë dhe hercegovinasë dhe 87% e kompanive boshnjake dhe hercegovinase do të punësonin punëtorë serbë).

Punëtorët serbë gjithashtu janë shumë të preferuar nga Republika e Maqedonisë Veriore dhe nga kompanitë malazeze (92% dhe 88% përkatësisht).

“Balkan Barometer” është një studim vjetor i opinionit publik dhe besimit të biznesit në gjashtë ekonomi të Ballkanit Perëndimor, i financuar nga Këshilli i Bashkëpunimit Rajonal, RCC, i cili shqyrton aspiratat dhe pritjet për jetën dhe punën, tendencat e përhapura socio-ekonomike dhe politike dhe integrimin rajonal dhe europian./Monitor/