Presidenti Trump takim me astronautët e Apollo 11

Presidenti i Shteteve të Bashkuara, Donald Trump, ka pritur në Shtëpinë e Bardhë pjesëmarrësit e misionit Apollo 11, astronautët Buzz Aldrin dhe Michael Collins, me rastin e 50 vjetorit të fluturimit të parë të njerëzve në Hënë.

“Është ditë e madhe,” tha Donald Trump. “Pesëdhjetë vjet prej se kemi ngritur në Hënë, flamurin e bukur amerikan.”

“Do t’ia kthejmë shkëlqimin,” tha Donald Trump për hulumtimet hapësinore, duke shtuar se është “bukur”

E pranishme familja e Neil Armstrong 

Të pranishëm në këtë ceremoni që u zvillua në Zyrën Ovale ishin edhe djemtë e Neil Armstrong, njeriut të parë që shkeli në Hënë, Erick dhe Mark Armstrong.

Neil Armstrong ishte Komandant i misionit Apollo 11, i cili vdiq në vitin 2012.

Presidenti Trump kërkoi që Neil Armstrong të përshëndetet me ngritjen e dorës.

Buzz Aldrin i cili sot është 89 vjeç, në Hënë ka shkelur pak çaste pas Armstrongut.

Michael Collins 88 vjeç, ishte në orbitën e Hënës në “modulin komandues ” me të cilin ekuipazhi u kthye në tokë.

Ndryshe, misioni Apollo 11 ka filluar më 16 Korrik të vitit 1969, e Armstrong dhe Aldrin shkelën në Hënë më 20 Korrik me ndihmën e modulit të Hënës.

Përvjetori është festuar në Qendrën Hapsinore “Johnson” në Houston, qytet në të cilin ishte vendosur dhoma kontrolluese e NASA-s.