Basha: Dhuna në protestë, përgjegjësia e Ramës dhe Xhafajt

Kryetari i Partisë Demokratike, Lulzim Basha, akuzoi Kryeministrin Edi Rama dhe ministrin e Brendshëm, Fatmir Xhafaj, lidhur me plagosjen e Kryeredaktorit të RD, Bledi Kasmi, dhe disa protestuesve të tjerë, gjatë protestës së opozitës.

Në një fjalim nga selia e PD, Basha tha se përgjithësisht punonjësit e policisë respektuan ligjin, por pati nga ata që ushtruan dhunë ndaj protestuesve, si në rastin e gazetarit Bledi Kasmi.

“Përgjegjësia bie mbi Edi Ramën dhe Agron Fatmir Xhafajn, që do të përgjigjen para ligjit për dhunën ndaj opozitës. Ky është një rast i papreçedentë dhe i turpshëm”, tha Basha. Ai njoftoi se do të shkojë në spitalin ushtarak për të vizituar gazetarin Kasmi dhe të dhunuarit e tjerë nga policia.

“Ky është mesazhi i qartë dhe i prerë që populli i dha sot qeverisë së krimit dhe korrupsionit të Edi Ramës, Fatmir Xhafës dhe lakejve të tyre.

Kjo është djersa e protestës që do të vazhdojë pa reshtur ndaj qeverisë më antieuropiane në Europë.

Sot shqiptarët folën, foli dhe Europa. nuk ka bisedime për integrim me autokratët e lidhur me krimi, pushtetarët e lidhur me krimin për të mbrojtur veten e të afërmit e tyre nga drejtësia e vërteta.

Për Shqipërinë europiane do ta vazhdojmë këtë betejë deri në fitore”, tha Basha.