“Haradinaj në Kushtetuese”/ Ambasada e SHBA: Po shikojmë nga afër se si…

Pas situatës së krijuar me dorëheqjen e parevokueshme të Kryeministrit Ramush Haradinaj ku dhe ministrat e kundështuan legjitimitetin e tij sot në mbledhjen e qeverisë, reagon Ambasada amerikane në Prishtinë duke e bërë të ditur se janë duke shikuar nga afër se si Kosova është duke u përballur me dorëheqjen e një kryeministri.

“Mënyra se si e trajton Kosova këtë gjë do të tregojë fuqinë e institucioneve të Kosovës dhe gatishmërinë e zyrtarëve për të zbatuar Kushtetutën dhe ligjet,” thekson përmes rrjetit social Facebook, Ambasada e SHBA në Prishtinë pasi Ish-Kryeministri, Ramush Haradinaj tha se është i detyruar ta dërgoj në Gjykatën Kushtetuese kur ministrat kundërshtojnë marrjen e vendimeve nga një Kryeministër i dorëhequr.