“Banda e Ramës në Devoll”, Paloka: Zgjedhjet e 30 Qershorit ligjërisht nul!
Nënkryetari i Partisë Demokratike, Edi Paloka, ka përshëndetur qytetarët e Devollit që sot nuk lejuan dhunimin e bashkisë nga banda që kërkon ta uzurpojë ndërsa rikujtoi se tashmë edhe Raporti i OSBE-ODIHR e ka bërë të qartë se 30 Qershori është ligjërisht nul.
“Akti që ka kërkuar të kryej sot Rama me bandën e tij në Devoll, apo që do të synojë të realizojë dhe në raste të tjera, është i njejtë me atë të grabitësve që hyjnë në shtëpinë e tjetrit për të grabitur. E njejtë duhet të jetë dhe përgjigja e qytetarëve, si ndaj grabitësit që të ka hyrë në shtëpi për të të dhunuar e grabitur!”
Tashmë jo opozita, por raporti i OSBE-ODIHR e madje dhe deklaratat e atyre që ka qejf ti tundë Rama herë pas here, thekson Nënkryetari i Partisë Demokratike, Edi Paloka, kanë bërë të qartë se 30 qershori është ligjërisht nul që pas dekretimit nga Presidenti i 13 tetorit dhe këtë mund ta ndryshojë vetëm nje vendim i Gjykatës Kushtetuese.”
Ndryshe, sot në Devoll këshilli bashkiak i dalë nga zgjedhjet e 30 Qershorit nuk është lejuar të futet në bashki nga organet legjitime ndërkohë socialistët janë mbledhur në prefekturë ku kanë zhvilluar seancën konstituive. Ndërsa kryetari i Bashkisë Devoll i dalë nga zgjedhjet e 30 Qershorit, Eduard Duro, është futur në ambientet e bashkisë, për të marrë detyrën sapo Kryetari i kësaj bashkie, Bledion Nallbati i Partisë Demokratike, ka përfunduar orarin zyrtar të punës.
Ja statusi i plotë:
Pershendetje per qytetaret e Devollit qe sot nuk lejuan dhunimin e bashkise se tyre nga nje bande qe kerkon ta uzurpoje!
Ky ishte nje akt i qarte qytetarie, perballe barbarise kriminale te bandes qe kerkon me kembengulje dhe dhune te coje deri ne fund nje proces antiligjor dhe antikushtetues , pjelle e cmendurise se nje kryeministri qe ka vendosur ta trajtoje vendin si prone te tij private dhe shqiptaret si skllever.
Tanime jo opozita, por raporti i OSBE-ODIHR e madje dhe deklaratat e atyre qe ka qejf ti tunde Rama here pas here, kane bere te qarte se 30 qershori eshte ligjerisht nul qe pas dekretimit nga Presidenti i 13 tetorit dhe kete mund ta ndryshoje vetem nje vendim i Gjykates Kushtetuese.
Ne keto kushte, akti qe ka kerkuar te kryej sot Rama me banden e tij ne Devoll, apo qe do te synoje te realizoje dhe ne raste te tjera, eshte i njejte me ate te grabitesve qe hyjne ne shtepine e tjetrit per te grabitur. E njejte duhet te jete dhe pergjigja e qytetareve, si ndaj grabitesit qe te ka hyre ne shtepi per te te dhunuar e grabitur!
