Trafiku i drogës/ Bandat shqiptare “luftë” me ato lokale

Bandat shqiptare po bëjnë namin në territorin britanik. Kështu shkruan në numrin e sotëm tabloidi anglez “Daily Star” duke shtuar se bandat shqiptare po bëjnë “luftë” me ato vendase për kontroll territoresh.

Sipas kësaj të përditshme britanike, këto banda shqiptare po shkojnë në veri të Britanisë së Madhe për të shitur kokainën dhe heroinën e tyre që është shumë e pastër.

Ata shesin drogë tepër të pastër, sepse furnizohen nga bandat amerikano – latine. Incidente mes bandave shqiptare dhe atyre lokale vendase janë shënuar në qytete si Preston dhe Blackpool.

Një anëtar i një bande britanike ka deklaruar se në një rast, një shqiptar e kishte goditur atë me një thikë në kokë në një tualet të Nando. Sipas tij, shqiptarët që merren kryesisht me trafik droge po lëvizin në veri të Britanisë.