Ipeshkvi i Krakovës, LGBT lëvizje e “murtajës së ylberit”!
Ipeshkvi i Krakovës në meshën e tij me rastin e 75 vjetorit të kryengritjes së Varshavës e dënoi “murtajën e ylberit” e cila kërcënon shpirtrat, zemrat dhe mendjen e polakëve, raportojnë mediat në Poloni.
“Murtaja e kuqe (komunizmi) nuk na kërcënon më, por është paraqitë murtaja e re, neomarksiste, e cila dëshiron të pushtoj shpirtrat tonë, zemrat dhe mendjet. Kjo murtajë nuk është e kuqe, por me ngjyrat e ylberit,” tha Ipeshkvi i Krakovës, Marek Jadraszewski.
Kohëve të fundit, konservatorët me në krye liderin e tyre Jaroslaw Kaczynski, kanë shfaqur një mosbesim të dukshëm ndaj pakicave seksuale në Poloni duke mbështetur traditën e tyre katolike, madje në fushatën për zgjedhjet evropiane është kritikuar bashkësia LGBT, si teori e lindur dhe rekomandim i Organizatës Botërore të Shëndetësisë që është kërcënim për identitetin, kombin dhe shtetin polak.
Dhjetëra fshatra, komuna dhe qarqe kanë shpallë veten të lirë nga ideologjia LGBT, ndërsa parada e krenarisë që u zhvilluan në muajin korrik në Bialystok, u sulmua nga ata që mediat e majta i quajnë ultranacionalistë.
