Faturimi elektronik, Basha: Tender 15 mln euro i paracaktuar për miqtë e mafias kroate!

Pas shqetësimit të biznesit për miratimin me nxitim nga Këshilli i Ministrave i Projektligjit   “Për Faturën dhe Sistemin e Monitorimit të Qarkullimit “ se si do të monitorohet qarkullimi dhe si do të funksionojë faturimi elektronik, Kryetari i Partisë Demokratike, Lulzim Basha, vjen me denoncimin se Mafia kroate dhe Edi Rama do të fitojë 10 milionë euro në vit nga shitja e programit elektronik tek bizneset, përmes tenderit të paracaktuar me vlerë 15 milionë euro.

“Për këtë po bëhet e gjithë lufta për faturimet e Hajdutit Psiqik: që t’u imponojë bizneseve shqiptare blerjen e programit nga miqtë e mafias kroate në janar kur hyn në fuqi detyrimi,” thekson në reagimin e tij Luzim Basha përmes rrjetit social Facebook pasi Ministria e Financave ka bërë të ditur se duke filluar nga 1 janari 2020 të gjitha bizneset duhet të kenë nënshkrimin elektronik çka ju sigurohet nga Agjencia Kombëtarë e Shoqërisë së Informacionit kundrejt një tarifë 4000 lekë:

“Në janar miqtë e mafias kroate në ortakëri me familjarët e Hajduti Psiqik do jenë të vetmit që do kenë gati programin për ta shitur me detyrim te bizneset, sepse çdokush tjetër nuk do ketë detajet teknike për ta ndërtuar. Praktikisht miqtë e mafias kroate, Hajduti Psiqik dhe familjarët e tij do të kenë monopolin,” thekson Kryetari i PD, Lulzim Basha me pralajmrimin se Hajduti Psiqik nuk do ndalet:

“Deri sa të vjedhë edhe pikën e fundit të mundit dhe gjakut të shqiptarëve. Edi Rama është kërcënim dhe rrezik për jetën dhe sigurinë e çdo familje shqiptare!” 

Ja statusi i plotë:

Hajduti Psiqik – Mafia Kroate – Vëllai në mes

Tani të gjithë e kuptojnë se një nga arsyet kryesore për dhunën e gjobave dhe sekuestrimeve kundër sipërmarrjeve të vogla që sigurojnë mbijetesën e shumicës së familjeve shqiptare, bëhet për të grabitur paratë e tyre dhe për të financuar hajdutërinë dhe lluksin e Hajdutit Psiqik dhe klientëve të tij milionerë.

Tenderi 15 milion euro i paracaktuar për miqtë e mafias kroate dhe familjarët e Hajdutit Psiqik, është pjesa më e vogël e përfitimit. Mafia kroate dhe Hajduti Psiqik do të fitojë 10 milion euro në vit nga shitja e programit elektronik tek bizneset.

Për këtë po bëhet e gjithë lufta për faturimet e Hajdutit Psiqik: që t’u imponojë bizneseve shqiptare blerjen e programit nga miqtë e mafias kroate në janar kur hyn në fuqi detyrimi.

Në janar miqtë e mafias kroate në ortakëri me familjarët e Hajduti Psiqik do jenë të vetmit që do kenë gati programin për ta shitur me detyrim te bizneset, sepse çdokush tjetër nuk do ketë detajet teknike për ta ndërtuar. Praktikisht miqtë e mafias kroate, Hajduti Psiqik dhe familjarët e tij do të kenë monopolin.

Hajduti Psiqik nuk do ndalet deri sa të vjedhë edhe pikën e fundit të mundit dhe gjakut të shqiptarëve. Edi Rama është kërcënim dhe rrezik për jetën dhe sigurinë e çdo familje shqiptare! #HajdutiPsiqik #RamaIk