Arrestohe dy gardistë shqiptarë/ Kosovë, ishin me armët e shërbimit…

Arrestohen në Kosovë dy gardistë shqiptarë.

Lajmi raportohet nga mediat kosovare duke iu referuar burimeve policore, ku dy gardistëve iu sekuestruan pistoletat që mbanin me vete, ndërsa posedonin lejet e përdorimit të armëve për territorin e Shqipërisë.

Të ndaluarit  janë dërguar para prokurorit përgjegjës për rastin, dhe pas intervistimit ata janë liruar pasi rasti do të trajtohet në procedurë të rregullt gjyqësore.

Njoftimi:

Rr. Marie Shllaku, Gjilan 09.08.2019-01:45. Raportohet se nga dy të dyshuar meshkuj shtetas të Shqipërisë zyrtar policor të gardës së Republikës së Shqipërisë janë konfiskuar dy pistoleta me nga 17 copë fishek për të cila armë ata posedonin leje për territorin e Shqipërisë. Të dyshuarit janë dërguar në procedurë të shpejtë para prokurorit përgjegjës për rastin, pas intervistimit janë liruar pasi rasti do të trajtohet në procedurë të rregullt gjyqësore.