Me Lulzim Bashën, Dega PD Fier: Nuk ndalojmë, deri në largimin e Edi Ramës!

Sipas axhendës së konfirmuar nga Kryesia dhe duke u bazuar në vendimin e 12 Korrikut të Kryetarit të Partisë Demokratike, Lulzim Basha, Kryetari i PD Dega Fier, Luan Baçi, ka vazhduar takimet me strukturat e partisë, në Zhupan dhe Afrim i Ri, ku demokratët ishin të vendosur se duhet filluar me protesta deri në largimin e Edi Ramës.

“Nuk i njohim votimet e turpshme të 30 Qershorit. Kryetari i Bashkisë është ilegjitim, i emëruar, i pavotuar dhe vazhdon ta vjedhë gjithë Fierin,” theksojnë demokratët në Grup seksionin Zhupan duke këmbëngulur që të fillohet me protesta në çdo vend.

Edhe Grup seksionin Afrim i Ri duke e bërë të qartë se nuk do të ndalojnë, janë të vendosur që me Lulzim Bashën do të vazhdojnë betejën deri në largimin e Edi Ramës: Asnjë hap pas!