Aksident i rëndë trafiku, dy të vdekur një i lënduar rëndë
Dy persona kanë humbur jetën dhe një tjetër është lënduar rëndë si pasojë e një aksidenti të trafikut që ka ndodhur sot rreth orës 15:00 në rrugën nacionale Prishtinë –Ferizaj, afër fshatit Lugagji, komuna e Lipjanit.
Në aksident janë përfshirë një autobus dhe tri makina.
Policia e trafikut ka dalë në vendin e ngjarjes dhe po kryen ekzaminimet e nevojshme, si dhe ka nisur një hetim të detajuar lidhur me rrethanat që kanë sjellë deri tek ky aksident tragjik.
