Ndodhi çudia, ra rrufeja në h*le!

Nuk është më mit, rrufeja bie edhe në h*le. Kjo ndodhi në Lublanë ndërsa mbi qiellin e  kryeqytetit slloven po fluturonte  Zv/kryeministri i parë dhe Ministri i Jashtëm i Serbisë, Ivica Daçiç.

Daçiç shpëtoi nga tragjedia ndërsa po fluturonte me avionin qeveritar “Falcon” drejtë Bledit për të marrë pjesë në Forumin Strategjik, dhe avioni u godit nga rrufeja.

Njoftimi zyrtar thekson se falë aftësisë së pilotit, avioni aterroi i sigurt në Aeroportin e Lublanës ndonëse një stuhi e madhe kishte goditur Slloveninë dhe Kroacinë, ku vetëm për dy orë u shënuan 20.000 rrufe.

Ndryshe, ky nuk është aksidenti i parë me avionin “Falcon” të Qeverisë së Serbisë. Nga fundi i muajit maj, në hapsirën ajrore të Greqisë po ky avion u prish dhe me te po udhëtonte Ivica Daçiç. Avioni u detyrua për 15 minuta të aterroi në Athinë dhe me këtë rast shefi i diplomacisë serbe u shpreh:

Unë sikur kam dhjetë shpirta! Ivica Daçiç po përfaqëson Serbinë në Forumin strategjik tradicional të Bledit, i cili këtë vit i kushtohet stabilitetit në rajon, zhvillimit të qëndrueshëm dhe përparimit ekonomik.