KUJDES!/ Morinë-Kukës, ARRSH: Sot në orën 18:00 hapen viaduktet!
Sot në orën 18:00 hapen viaduktet e aksit Morinë-Kukës për përdorim të drejtuesve të automjeteve. Lajmin e ka bërë të ditur Autoriteti Rrugor Shqiptar, ARRSH, pasi puna në dublimin e viadukteve ka përfunduar ashtu si dhe plotësimi i parametrave teknik:
“Një tjetër detyrë e përmbushur me sukses, një tjetër premtim i mbajtur. Punimet për fillimin e dublimit të këtyre viadukteve kanë filluar që në vitin 2009, me mungesa të theksuara në projektin fillestar, problematika teknike e ligjore, të cilat më në fund u zgjidhën falë punës së palodhur e përkushtimit serioz,” thekson ARRSH përmes një njoftimi në rrjetin social Facebook duke përfunduar:
“Sot kemi një segment të ri të Rrugës së Kombit, me standarde europiane e parametra teknikë, të cilët mundësojne lëvizje më të shpejtë dhe siguri të lartë.”
Njoftimi:
Sot në orën 18:00 hapen viaduktet e aksit Morinë-Kukës për përdorim të drejtuesve të automjeteve. Një tjetër detyrë e përmbushur me sukses, një tjetër premtim i mbajtur.
Punimet për fillimin e dublimit të këtyre viadukteve kanë filluar që në vitin 2009, me mungesa të theksuara në projektin fillestar, problematika teknike e ligjore, të cilat më në fund u zgjidhën falë punës së palodhur e përkushtimit serioz.
Në vitin 2018 ARRSH hartoi një projekt të veçantë për ta bërë lidhjen e segmentit rrugore Kukës-Morinë (krahu i majtë), i cili është ndërtuar në vitin 2009, por që nuk kishte të parashikuar lidhjen e kësaj rruge me viaduktet e dubluara.
Sot kemi një segment të ri të Rrugës së Kombit, me standarde europiane e parametra teknikë, të cilët mundësojne lëvizje më të shpejtë dhe siguri të lartë.
