Lëvizja Vetëvendosje ndezë motorrët e fitores

Shtabi zgjedhor dhe kandidatët nga Lista fitimtare e Lëvizjes VETËVENDOSJE mbajtën sot një takim motivues e mobilizues për zgjedhjet e 6 Tetorit.

“Mes shumë diskutimesh e bashkëbisedimesh, nisi një punë e përbashkët, e cila do të na shoqërojë deri në 6 tetor, kur së bashku do ta festojmë fitoren tonë dhe për Kosovën, kthesën e madhe kah e mbara!” thekson Lëvizja Vetëvendosje në njoftimin e saj duke ndezur kështu motorrët e fitores.

Ndërkohē si në çdo zgjedhje, Lëvizja Vetëvendsoje iu drejtua qytetarëve për mbështetje financiare:

“Të dashur miq e mbështetës të Lëvizjes VETËVENDOSJE! Si subjekti më transparent në Kosovë, ne e kemi patur një mbështetje financiare në rritje, e cila është përkthyer edhe në rezultat më të mirë elektoral. Kësaj radhe fitorja jonë është e domosdoshme, për ta çliruar shtetin e Kosovës nga kapësit e korruptuar e kriminalë.

Ne nuk pranojmë financime nga persona apo biznese të dyshimta. Nuk pranojmë shuma të mëdha. Fuqia jonë bazohet në ndihmat e vogla, që na i jepni shumë prej jush.”

Lëvizja Vetëvendosje edhe pse e bindur se do të fitojë më 6 Tetor, thotë se duhet të bëjë një fushatë perfekte, prandaj bënë thirrje:

Për ta arritur këtë, është e nevojshme ndihma juaj. Cilado shumë që keni mundësi, pa ju ngushtuar e pa ju vënë në vështirësi, neve na ndihmon që ta sjellim më pranë kthesën e madhe. Qeveria Kurti do të jetë momenti i kthimit të Kosovës kah e mbara, për të gjithë qytetarët e saj.

Udhëzimet mund t’i gjeni në faqen: https://donacion.vetevendosje.org