Toka nuk po qetësohet/ Për 20 orë, 340 tërmete

Pas goditjes së fuqishme të tërmetit dje në orën 16:04 me magnitudë 5.8 të shkallës Rihter, me epiqendër 6 km afër Durrësit dhe 34 km afër Tiranës, në këtë zonë janë regjistruar edhe 340 goditje, raporton Instituti i Gjeoshkencave, Energjisë, Ujit, dhe Mjedisit, IGJEUM.

Ndërkohë Qendra Sizmiologjike Mesdhetare, EMSC, tërmetin e fundit që ra 44 km në Detin Adriatik, me epiqendër 8 km afër Durrësit dhe 39 km afër Tiranës e ka regjistruar në orë 09:09 me magnitudë 3.4 të shkallës Rihter, që ishte dhe tërmeti i tretë për vetëm 50 minuta:

Ky tërmet pasoi atë të orës 09:05, 15 km në det, vetëm 2 km nga Durrësi dhe 32 km afër Tiranës, me magnitu paksa më të fortë, 35 të shkallës Rihter:

Dhe tërmeti i or 08:25 me magnitudë 3.2 të shkallës Rihter, 9 km nga Durrësi dhe 30 km afër Tiranës.

Sizmiologu Rrapo Ormeni tha se goditja kryesore ka kaluar, goditje të tjera do të ketë por jo të rrezikshme:

“Goditje pas goditjeve do të kemi, por nuk do të jenë të rrezikshme. Vazhdojnë me ditë dhe me javë, por në rënie. Madhësia e tyre vjen vetëm duke u zvogëluar,” sqaroi sizmiologu Rrapo Ormeni.