Pas tërmetit, bilanci: Në Tiranë 187 banesa të dëmtuara, në Durrës 56 persona në spital dhe 188 banesa të dëmtuara

Sot në Ministrinë e Mbrojtjes u dhe u zhvillua mbledhja e Qeverisë, ku ministrja e Mbrojtjes, Olta Xhaçka, duke raportuar tha se dëme materiale ka pasur kryesisht në Durrës dhe Tiranë.

“Nuk kishte humbje në njerëz fatmirësisht. Moment i frikshëm dhe me pasiguri. Do bëjmë maksimumin për të akomoduar të prekurit. Mund të bëhët një punë më e mirë nga të gjithë ne për të informuar më mirë dhe që të mos mungojë kujdesi i nevojshëm. Të ngremë një orë e më parë grupet e vlerësimet dhe për të siguruar të gjithë të të prekurut për t’i dëmshpërblyer,” tha Olta Xhaçka ndërsa prefektja e Tiranës, Suzana Jahollari folir për Komisionin e Emergjencave Tiranë i cili u zhvillua dje në orën 18:00 ku u raportua përë situatën:

“Popullsia pati panik. Duke parë që më shumë kishte panik se dëme vendosëm të ngrinim qendrat e emergjencave përveç 4 qendrave të bashkisë, për tu treguar qytetarëve se nuk ishin vetëm. Aty ku ishin më tepër dëmtimet ngritëm 6 qendra pritëse, shpërndamë batanije, ujë dhe kishte edhe ambulanca. Pas orës 12 pati panik më shumë sidomos te Don Bosko. Sollëm çadra. Në 6 të mëngjesit montuam 19 çadra. Njerëzit nuk pranonin të iknin në qendra sociale. Aktualisht ka punonjës në terren, që 187 dënime banesash, 20 pallate me çarje, Por do bëjmë vlerësime të mëtejshme.”

Ndërsa Prefekti i Durrësit tha se nuk kishte viktima, 56 të ardhur në spital 21 me fraktura. Kemi 188 ndërtesa të plasaritura, 2 shkolla dhe 9 pallate:

“Njerëzit ishin në panik të madh. bashkëpunuam me strukturat për të ulur panikun. Bashkia e Durrësit vuri në dispozicion grupet e emergjencës, nuk kishte viktima, 56 të ardhur në spital 21 me fraktura. Kemi 188 ndërtesa të plasaritura, 2 shkolla dhe 9 pallate.”