Vendimi/ Opozita merr pjesë në Konferencën e organizuar nga Damian Gjiknuri
Pas platformës me 7 pika, që përfundoi në media si ide të cilat Aleatët e Partisë Demokratike pa kosto dhe përgjegjësi politike i propozojnë Lulzim Bashës, për, siç thuhet, institucionalizimin e raportit me PD-në, vendimi i sotëm për të marrë pjesë në një Konferencë për Reformën Zgjedhore e cila organizohet nga bashkëkryetarët e Komisionit të Posaçëm Parlamentar për Rferomën Zgjedhore, Damian Gjiknuri dhe Rudina Hajdari me ndihmën e Prezencës së OSBE në Tiranë që Kryesohet nga Ambasadori Bernd Borchardt, e kthen opozitën në 18 Majin e vitit 2017.
Ndonëse pas përfundimit të mbledhjes së Lulzim Bashës me Aleatët, ky vendim u mundua të shitet për media si përgjigje ndaj ftesës së Prezencës së OSBE-së për një Konferencë për Reformën Zgjedhore ku ata do të përfaqësohen në nivel teknik e cila zhvillohet nesër më 25 Shtator, e vërteta është krejtësisht ndryshe!
Meqë ftesa është një e vetme dhe PaFrikë e ka publikuar në ditën kur ajo ishte menduar të dërgohet nga “Tërmeti i votave”, Damian Gjiknuri, dhe u pasua me Letrën publike të Edi Ramës, u bë e qartë se Konferenca e nivelit të lartë me temë “Të mohuar nga sistemi: ndërtimi i një sistemi gjithëpërfshirës për të mbrojtur demokracinë” që zhvillohet nesër me fillim në orën 9:30 në hotelin “Makalbania” është organizuar nga Komisioni i Posaçëm Parlamentar për Reformën Zgjedhore që kryesohet nga Damian Gjiknuri dhe Rudina Hajdari ndërsa është ndihmuar nga Prezenca e OSBE-së.
Aleatëve të Partisë Demokratike mund ti kenë lënë pasoja lëkundjet e tërmetit të 21 Shtatorit por në ftesën e cila është dërguar për të marr pjesë në Konferencë thuhet qartë:
“Diskutimi për sistemet janë një nga fushat kryesore të PLanit të Veprimit të Komisionit të Posaçëm Parlamentar për Reformën Zgjedhore. Ndihma për proceset e refromës zgjedhore është një nga shtyllat kryesore të mandatit të Prezencës së OSBE-së në Shqipëri. Prezenca e OSBE-së mbetet e gatshme të mbështesë autoritetet shqiptare për të përfunduar reformën zgjedhore në kohë dhe në mënyrë gjithëpërfshirëse ku të adresohen të gjitha rekomandimet e OSBE/ODIH-it dhe të palëve të interesuar kombëtare e ndërkombëtare,” theksohet në ftesën e sigluar nga Ambasadori Borchardt, Damian Tërmeti dhe e pabindura e PD, Rudina Hajdari, për Konferencën e cila ka për synim:
“Prezenca e OSBE-së në Shqipëri dhe Komisioni i Posaçëm Parlamentar për Reformën Zgjedhore do të organizojnë konferencën e nivelit të lartë me temë ‘Të mohuar nga sistemi: ndërtimi i një sistemi gjithëpërfshirës për të mbrojtur demokracinë’ që zhvillohet nesër me fillim në orën 9:30 në hotelin Makalbania.”
Dhe jo vetëm kaq! Qershia mbi tortë është dhe arsyetimi që bëhet në ftesës për Konferencën e cila zhvillohet për një Reformë Zgjedhore që Edi Rama e ka refuzuar dhe Opozita sa ishte në Parlament nuk e filloit dot, ndërsa çmenduar e gjithë këtij vendimi opozitar është se në ftesën që i është drejtuar thuhet qartë se përfundimet e konferencës do ti paraqiten Kuvendit të Shqipërisë, Kuvend të cilin PD dhe Aleatët e bojkotojnë:
“Konferenca do të mundësojë një platformë diskutimi për Komisionin e Posaçëm Parlamentar për Rerformën Zgjedhore dhe palët e interesuara vendore për epërsitë dhe dobësit kryesore të sistemeve të ndryshme zgjedhore, si edhe për përshtatshmërinë dhe sfidat në kontekstin shqiptar. Përfundimet e konferencës t’i paraqiten Kuvendit të Shqipërisë për t’u marrë në konsideratë gjatë diskutimeve aktuale për reformën zgjedhore”
Pra, Kryeministri Edi Rama mendon ta bëjë Refromën Zgjedhore me Damian Gjiknurin. Dhe, ajo që mund të bëjë dallimin nga 18 maji 2017 është se tani Opozitën po e mashtron Damian Gjiknuri me Rudina Hajdarin dhe jo Edi Rama!
Pas këtij vendimi të pakuptimtë të PD me Aleatët, kreu i OSBE, Bernd Borchard iu drejtua Partisë Demokratike për një takim me Kryetarin Lulzim Basha, gjithashtu të pakuptimtë kur dihet që është vetë ky Ambasador që Reformën Zgjedhore nuk e lëvizi kur Opozita ishte në Parlament dhe mendon ta bëjë këtë gjë kur lideri të cilin e takon nuk e njehë këtë parlament kriminal.
Ndryshe, në takim e Kryetarit të PD Lulzim Basha me Aleatët, ishin të pranishëm Petrit Vasili dhe Monika Kryemadhi nga LSI, Vangjel Dule nga PBDNJ, Nard Ndoka nga PDK, Fatmir Mediu nga PR, Dashamiri Shehi LZHK dhe Agron Duka nga PAA.
pafrike.al © Të gjitha të drejtat e rezervuara
