Kadri Veseli në Lipjan: Koalicioni LDK-LVV sjell izolim!

Kandidati për Kryeministër i PDK, Kadri Veseli, tha në Lipjan se zgjedhjet e 6 tetorit janë referendum për të ardhmen e vendit, ku qytetarët do të vendosin se a do të ketë një qeverisje bashkë me Shtetet e Bashkuara apo do të ketë një koalicion i cili sjell izolim.

“Një koalicion mes LDK-së dhe Vetëvendosjes do të sillte më shumë izolim, do të thellonte varfërinë dhe korrupsionin.”

Kadri Veseli tha se në qeverisjen e tij do të përkrahin në mënyrë të veçantë të rinjtë, fermerët, ndërmarrësit dhe punëtorët shëndetësor.

“Qytetarët duhet të bëhen bashkë për një fitore të PDK-së, pasi vetëm kështu sigurohet se vendi do të ec përpara.”

Ai tha se nuk duhet të vetëkënaqen, por që duhet të bëhen edhe më shumë bashkë që ta ruajnë Kosovën që pas 6 tetorit të jetë bashkë me SHBA-në.

Kandidati për Kryeministër i PDK, Kadri Veseli, edhe në Lipjan u ka bërë thirrje të gjithë qytetarëve që të bashkohen për një Kosovë më të fortë, pasi sipas tij, sa më e fortë është Kosova aq më e dobët është Serbia.