Video/ Premtimi për legalizime falas, Basha: Mashtrimi më i madh i Edi Ramës!
Kryetari i Partisë Demokratike, Lulzim Basha, tha se premtimi për legalizime falas ishte mashtrimi më i madh i Edi Ramës për të ardhur në pushtet.
Duke risjell në kujtesën e shqiptarëve disa nga premtimet e Kryeministrit Edi Rama në fushatë, Lulzim Basha, thekson përmes rrjetit social Facebook shoqëruar dhe me një video se në fushatën e vitit 2013, Rama thoshte:
“Familjet nuk do të paguajnë asnjë qindarkë për legalizimin!”
Por, nënvizon lideri i opozitës, në 6 vjet shqiptarët paguan 60 milionë euro për legalizimet. Dhe jo vetëm kaq! Kemi dhe premtimin epik:
“Shtëpitë e ndërtuara pa leje nuk prishen edhe sikur Enver Hoxha të ngjallet.”
Por, Kryetari i Partisë Demokratike konstaton:
“Në 6 vjet, shtëpitë u shembën pa u legalizuar. Shumë të tjera kërcënohen nga korrusioni i Ramës. Përdori policinë dhe gazin lotsjellës kundër qytetarëve për shembjen e shtëpive të tyre pa dëmshpërblim.”
“Premtoi legalizim falas por shkatërroi qindra banesa dhe nxorri mijëra fëmijë dhe të moshuar në mes të katër rrugëve. Për të vjedhur paratë e taksave dhe grabitur pronat e tyre, Edi Rama mashtroi dhe dhunoi shqiptarët.,” thekson Kryetari i Partisë Demokratike, Lulzim Basha, duke përfunduar:
“Vetëm largimi i Hajdutit Psiqik dhe bandës së tij sjell siguri, mirëqenie dhe punësim për çdo familje shqiptare”.
