Arrestohet një i dyshuar për dëmtimin e billbordeve të Vetëvendosjes në Deçan

Policia e Kosovës përmes një komunikate për media bën të ditur se ka arrestuar të dyshuarin për dëmtimin e billbordeve të Lëvizjes Vetëvendosje në Deçan.

“Policia e Kosovës, konkretisht Stacioni Policor në Deçan, ka pranuar disa ankesa nga një subjekt politik për dëmtimin e disa billbordeve të këtij subjekti, të cilat kanë qenë të vendosura në një objekt privat. Policia e Kosovës dhe Stacioni Policor në Deçan në koordinim të plotë me prokurorin e Prokurorisë Themelore në Pejë, pas një pune intensive operativo-hetimore me datën 02.10.2019 kanë identifikuar dhe kanë arrestuar të dyshuarin A. T., i lindur me 2000 m/k/sh,” thuhet në komunikatë.

Ndaj të dyshuarit të lartcekur me datën 03.10.2019 është parashtruar kallëzim penal për veprën “asgjësim apo dëmtim i pasurisë së luajtshme”.

Rasti është duke u hetuar nën drejtimin e Prokurorisë Themelore në Pejë.