Negociatat me BE/ Macron kundër, Rama besimplotë: Dielli do lindë përsëri!

Kryeministri Edi Rama e ka të qartë kundërshtimin e Presidentit të Francës për zgjerimin e Bashkimit Evropian, por sot tha se e pret 18 tetorin kur do të mësohet përfundimi i kësaj odiseje, sepse askush nuk e di se si do jetë përfundimi për Shqipërinë dhe Maqedoninë e Veriut.

Sidoqoftë, shqiptarët janë me fat sepse pavarësisht vendimit të 18 Tetorit, Kryeministri i tyre i garantoi se dielli do të lindë përsëri.

“Fjala e fundit s’është thënë ende. Përpjeket intensive synojnë të përputhin qëndirmet e dy anëve në pritje të një rezultati të bisedimeve mes Gjermanisë e Francës. Mjafton që një vend të thotë jo që të rrëzojë PO e gjithë të tjerëve.

Askush nuk e di as unë si do përfundojë kjo odise. Përtej tërë spekulimeve e broçkullave vendimmarrja ska asnjë lidhje me çfarë kemi bërë ne apo skemi bërë. Vendimmarrja ka lidhje me çfarë duan e nuk duan të bëjnë ata mes veti. Me sa do arrijnë mes tyre të dakortësohen se reforma e BE s’duhet ti pengojë Shqipërinë e vendet e Ballkanit Perëndimor,” tha Edi Rama i bindur se qeveria kriminale që ai drejton ka arritur më shumë se sa thjesht detyrat e shtëpisë.

“Me forcën e diplomacisë e marrëdhënieve të forta të respektit kemi kapërcyer pengesën e madhe në Bundestag. Falë komuinkimit intensiv e të sinqertë edhe me faktorë të rëndësishëm në CDU CSU i thanë po Shqiperise në Bundestag.”

Por, shqiptarët duhet të jenë të qetë, BE nuk u ndalon dot diellin kur për Kryeministër kanë Edi Ramën:

“Për pak ditë mësojmë përfundimin, por sidotoftë të nesermen dielli do lindë përsëri e dita do jetë vazhimi i përpjekjes për shtetbërje, jo për Brukselin, jo për Berlinin, por për Shqipërinë e Shqiptarët.”