Aksioni në Veri, Kelani: Kemi 2 të arrestuar, tani vendos Prokurori!

Duke konfirmuar arrestimin e dy serbëve në veri të Mitrovicës, Zëdhënësi i Policisë së Kosovës, Baki Kelani, tha se ata janë sjellë në Prishtinë ndërsa janë në pritje të vendimit të prokurorit kompetent.

“Varet çka vendosë prokurori, njëherë është herët të themi diçka,” tha Baki Kelani duke shtuar se gjatë ditës së sotme Policia e Kosovës në bashkëpunim me Prokurorinë do të dalin me një komunikatë të përbashkët ose do të organizojnë një konferencë për media.

Ndryshe, sot gjatë aksionit në veri, policia ka arrestuar hetuesin policor Rade Basara, i cili dyshohet për fshehjen e provave gjatë hetimit të vrasjes së politikanit serb Oliver Ivanoviç si dhe arrestimin e V.B., djalit të eprorit të lartë të policisë, Zheljko Bojiç.