Arrestime në Veri, reagon Qeveria e Serbisë

Pas aksionit të Njësisë Speciale të Policisë së Kosovës ROSU në veri të Mitrovicës, për të arrestuar personat e dyshuar që kanë lidhje me vrasjen e Oliver Ivanoviçit, Drejtori i Zyrës për Kosovën pranë Qeverisë së Serbisë, Marko Gjuriç, ka akuzuar Prishtinën zyrtare duke theksuar se kishin në shënjestër Komandantin e Policisë në Veri, Zhelko Bojiç.

Mrako Gjuriç tha TV Pink se e gjitha filloi në orën 5:45 kur policët e Kosovës të armatosur deri në dhëmbë dhe me helmeta u nisën për në veri.

“Ata ishin me 25 makina të blinduara edhe pse në hyrje të qyteti janë parë rreth 40 të tilla. Por, ata u larguan rreth orës 6 të mëngjesit,” tha Gjuriç duke shtuar se shënjestra kryesore e tyre ishte Komandanti i Policisë në Veri, Zhelko Bojiç, pasi policët e njësitit Rosu u futën në banesën e tij dhe arrestuan të birin Vasilin.

“Policët e njësitit Rosu janë futur në banesën e tij duke ia arrestuar të birin Vasil Bojiç, të cilin e dërguan në drejtim të panjohur. Gjithashtu është arrestuar një pjesëtar tjetër i policisë Rade Bashar, që ka punuar në raste shumë të rëndësishme,” tha Marko Gjuriç duke vazhduar të bëjë politikë edhe pas arrestimit të dy kriminelëve, që në këtë rats ishin serbë.