Gjenden 39 trupa të vdekur në kamion

Trupat e 39 personave janë gjetur në një kamion në Essex të Britanisë së Madhe. Shoferi i kamionit, një 25-vjeçar nga Irlanda Veriore, është arrestuar me dyshimin për vrasjen e tyre.

Sipas raportimeve, bëhet fjalë për 38 të rritur dhe një adoleshent të vdekur.

Kamioni vinte nga Bullgaria dhe hyri në Brtiani të shtunën përmes Holyhead, Anglesey.

Oficerët po përpiqen të indentifikojnë viktimat.

“Ky është një incident tragjik ku një numër i madh njerëzish kanë humbur jetën e tyre. Hetimet tona po vazhdojnë për të zbuluar se çfarë ka ndodhur. Kemi arrestuar shoferin e kamionit në lidhje me incidentin. Ai do mbetet në arrest ndërsa hetimet vazhdojnë. Ne po përpiqemi të identifikojmë viktimat. Megjithatë parashikoj se ky do jetë një proces i gjatë,”-tha shefi policisë Andrew Mariner.

Kamioni me viktimat u gjet rreth orës lokale  01:40 në Parkun Industrial Waterglade që është mbyllur.

Ndryshe, raportet flasin për një ngjarje të përsëritur dhe tragjedia më e madhe vazhdon të jetë ajo e Qershorit 2000, kur kufomat e 58 emigrantëve kinezë u gjetën në një kamion në Dover. Për vrasjen e tyre, një shofer holandez i kamionit u burgos një vit më pas.