Përgjigje PS, Bardhi: Reforma Zgjedhore nuk mund të jetë e njërës palë!
Realizmi i Reformës Zgjedhore është një nga kushtet e përcaktuara për hapjen negociatave nga Bundestagu gjerman, tha Sekretari i Përgjithshëm i PD, Gazment Bardhi, ndërkohë duke ju përgjigjur akuzave të Partisë Socialiste tha se ishte Partia Demokratike që propozoi një mekanizëm se si palët duhet të bëhen bashkë për hapjen e negociatave.
“Kemi gati platformën tonë mbi financimet e partive politike dhe fushatave zgjedhore dhe administrimin zgjedhor, por është përcaktuar edhe kalendari për çështje e tjera. Ne kemi gati dy nga çështjet, por reforma ka më shumë se nga këto dy çështje, Ajo që është e rëndësishëm është që palët duhet bëhen bashkë për ta bërë reformën,” tha Gazment Bardhi duke treguar se cili është propozimi se si mund të bëhen bashkë për hapjen e negociatave.
“Reforma zgjedhore nuk mund të jetë i njërës palë, por produkt i të gjitha partive politike. Në këtë këndvështrim ne jemi të gatshëm, dhe ne presim palën tjetër të tregojë vullnet politik. Të dyja palët duhet të gjejnë konsensusin për një produkt të caktuar.”
Ndryshe, Kryetari i Grupit Parlamentar të Partisë Socialiste, Taulant Balla, sot ka akuzuar nga Elbasani Partinë Demokratike për qëndrimin destruktiv ndaj Komisionit të Posaçëm të Reformës Zgjedhore, duke dalë hapur kundër detyrave të Bundestagut gjerman.
