Dollari forcohet ndaj Euros, FED vazhdon…
Gjatë javës së kaluar, në tregjet botërore të valutës, dollari amerikan është forcuar ndaj euros sepse Banka qendrore evropiane, ECB, ka dhënë sinjale për mundësinë e masave të reja ekonomike, ndërkohë FED-i amerikan ka paralajmëruar uljen e normës së interesit gjatë javës së ardhshme.
Indeksi i dollarit, i cili tregon vlerën amerikane ndaj gjashtë valutave të tjera më të rëndësishme botërore, gjatë javë së kaluar është forcuar për 0.2 për qind, rreth 97.63 pikë.
Me këtë rast, ndaj euros kemi një rënie të euros ndaj dollarit me 0.8 për qind, në 1.1080 dollarë.
Dollari është forcuar edhe ndaj valutës japoneze për 0.2 për qind, dhe vlera e tij arriti 108.65 jen.
Dobësimi i euros është pasojë e paralajmërimeve nga Banka qendrore evropiane, ECB, se mund ta ndryshoj politikën monetare në mënyrë që të nxis rritjen ekonomike në eurozonë, edhe pse normat e interesit ngelën të pandryshuara në mbledhjen e së enjtes.
Euro ishte nën presion edhe për shkak të situatës së paparashikueshme me Brexitin. Kryeministri britanik, Boris Johnson, për herë të parë të enjten hoqi dorë nga premtimi i tij për largimin nga BE më 31 tetor me ose pa marrëveshje, dhe u angazhua për zgjedhje parlamentare më 12 dhjetor.
Bashkimi Europian ka merr vendim se deri në cilin afat do të shtyhet largimi i Britanisë, por siç duket Brexit do të shtyhet dhe Britania do të anashkaloj largimin nga BE pa marrëveshje.
Por, situata në Britani vazhdon të jetë e paparashikueshme, kështu që javën e kaluar paundi britanik u dobësua deri në 1.2810 dollar, derisa një javë më parë ishte 1.2988 dollar, me nivelin më të madh në pesë muajt e fundit.
Javën e ardhshme, në fokus të investitorëve do të jenë mbledhjet e Bankës qendrore amerikane, FED, dhe Bankës qendrore amerikane.
Pritet që FED e cila përfundon më 30 Tetor, të vazhdoj me uljen e normës së interesit, dhe kjo është hera e tretë brenda këtij viti. Por të dhënat e kompanisë që merret me grumbullimin e të dhënave nga tregjet financiare, Refinitiv, dëshmojnë se tregjet tashmë i kanë llogaritur këto ulje për 0.25 për qind. “Kjo do të jetë një çështje e kryer. Mbledhjet e bankave qendrore gjatë javës së ardhshme nuk do të kenë ndikim të madh në treg,” tha analisti valutor në bankën SEB, Richard Falkenhall.
