Pacolli: Data për heqjen e vizave deri në fund të këtij muaji

Ministri i Punëve të Jashtme i Kosovës, Behgjet Pacolli, deklaroi sot në Vjenë, se data për heqjen e vizave do të dihet deri në fund të këtij muaji.

Pas takimit me ish-kancelarin Wolfgang Schussel, ku mori pjesë edhe presidenti i Kosovës, Hashim Thaçi, ai tha se kanë marrë mbështetje për të vazhduar dialogun me Serbinë, ndërsa presidenti Thaçi ka marrë mbështetje për ta udhëhequr këtë proces të dialogut.

Pacolli tha se shteti austriak do t’i ndihmojë vendit tonë në procesin e anëtarësimit në organizatat ndërkombëtare.

Gjithashtu, ai ka bërë të ditur se në ministrinë që ai drejton kanë krijuar komisionin task forcë, i cili do të vendosë në dy javët e ardhshme se kur do të aplikohet për anëtarësimin e vendit në Këshillin e Evropës.

Pacolli ka folur edhe për njohjen e shtetit tonë, ku ka thënë se asnjëherë nuk janë ndalur duke kërkuar njohje te vendet që ende nuk e kanë bërë një gjë të tillë, dhe shpreson të ketë njohje të reja, pa përcaktuar ndonjë emër konkret