Video/ Pentagoni publikon pamjet e sulmit ndaj Al-Baghdadit
Ushtria amerikane ka publikuar pamjet e para të sulmit në veri të Sirisë, që rezultoi me vdekjen e udhëheqësit të grupit të Shtetit Islamik, IS, Abu Bakr Al-Baghdadi.
Pamjet tregojnë se si forcat amerikane gjuajnë militantët ndërsa fluturojnë me helikopterë drejt kompleksit ku udhëheqësi i IS-it, Abu Bakr al-Baghdadi ishte fshehur.
"…at the compound, fighters from two locations in the vicinity of the compound began firing on U.S. aircraft participating in the assault."
— U.S. Central Command (@CENTCOM) October 30, 2019
– Gen Frank McKenzie CDR USCENTCOM pic.twitter.com/SkrtHNDs7w
Baghdadi iku në një tunel dhe vrau veten duke shpërthyer një jelek vetëvrasës. Pas bastisjes, kompleksi u shkatërrua plotësisht përmes municioneve, raporton RFE.
Kreu i Komandës Qendrore të Ushtrisë amerikane, Gjenerali Kenneth McKenzie, tha se dy fëmijë kishin vdekur me Baghdadin në tunel – jo tre siç ishte raportuar më parë.
Me këtë rast Gjenerali Keneth McKenzie konfirmoi gjithashtu raportet e mediave që Baghdadi ishte varrosur në det.
