Mattew Palmer me Vjosa Osmanin dhe Isa Mustafën
Zv.Nd/Sekretari amerikan i Shtetit dhe Përfaqësuesi Special i Departamentit të Shtetit për Ballkanin Perëndimor, Matthew Palmer në takim me kryetarin e LDK-së, Isa Mustafa, dhe Nënkryetaren Vjosa Osmani, kanë diskutuar sot në Ambasadën e SHBA në Prishtinë për prioritet e institucioneve të ardhshme, agjendën e brendshme si dhe politikën e jashtme të Republikës së Kosovës.
“Gjatë këtij takimi shumë produktiv, u diskutua lidhur me çështjet që LDK i sheh si prioritet për institucionet e ardhshme që lidhen me agjendën e brendshme si dhe politikën e jashtme të Republikës së Kosovës, siç janë sundimi i ligjit, zhvillimi ekonomik dhe dialogu Kosovë-Serbi,” thekson LDK përmes komunikatës.
Përfaqësuesi Special Matthew Palmer, nga ana etij foli për atë se si Kosova mund të shtrojë rrugën drejt paqes përmes një Marrëveshjeje gjithëpërfshirëse me Serbinë.
Ndërkohë pas takimit me Presidentin Hahsim Thaçi ai bëri të ditur se është diskutuar për zhvillimet e fundit në Kosovë, me theks të veçantë pas përfundimit të zgjedhjeve të 6 tetorit, për nevojën e shpejt të themelimit institucioneve të Republikës së Kosovës, që do të angazhoheshin në një prioritet shtesë për zhvillimin ekonomik, për rend dhe ligj, për të ardhmen euroatlantik.
Takimi me Kryeministrin e ardhshëm Albin Kurti nuk u zhvillua meqë Kurti ndodhet jashtë shtetit.
