Prishtinë-Pejë/ Aksident i rëndë, një i vdekur

Një aksident i rëndë trafiku ka ndodhur sot në orët e mbrëmjes në rrugën nacionale Prishtinë-Pejë, ku dyshohet se një person ka mbetur i vdekur.

Rastin e ka konfirmuar edhe zëdhënësi i Policisë, Baki Kelani duke saktësuar se aksidenti ka ndodhur mes një makine dhe një motoçiklete.

“Mund të konfirmojmë se sot në orët e mbrëmjes, në magjistralen Prishtinë-Pejë, afër udhëkryqit të Klinës, ka ndodhur një aksident trafiku ku janë përfshirë një veturë dhe një motoçikletë. Si pasojë e aksidentit dyshohet që një person ka ndrruar jetë, por që mbetet të konfirmohet nga mjekët kompetent,” tha Kelani.

Detaje tjera nuk dihen teksa njësitet policore janë në vendin e ngjarjes.