Edhe pas Valdrin Pjetrit, Bushati: Sikur 10 palë zgjedhje të bëjmë, ne do ta mundim Lulzim Bashën!
Bajrajt, Valdrin Pjetri dhe të gjithë kriminelët që ndihmuan Partinë Socialiste në Shkodër nuk e bëjnë me turp Ish-Ministrin e Jashtëm, Ditmir Bushati, por si i biri Sulës që është dhe nuk e ka problem krimin, ai edhe sot u shpreh se sikur edhe 10 palë zgjedhje të bëhen, do ta mund Lulzim Bashën.
Sot kur nuk është Ministër i Jashtëm kutjohet se ky nuk është vend dordolec dhe është anëtar i NATO-s, ndonëse kur ishte në krye të diplomacisë, siç e trajtoi ai Komandatin e Përgjithshëm të Forcave të Armatosura nuk e trajtojnë as dordolecët.
Duke dalë kundër rezolutës për ndikimet e huaja në Shqipëri propozuar nga Kryetari i Grupit Parlamentar të PS-së, Taulant Balla, në Komisionin e Jashtëm pranë parlamentit, Bushati tha se nuk duhet të miratohet një rezolutë për të marrë si referencë, akuzat politike për ndikimin rus në PD dhe kreun e opozitës, Lulzim Basha.
“Për mua Lulzim Basha nuk ekziston fare. Nuk mund të marrim si referencë Lulzim Bashën. Edhe sikur 10 palë zgjedhje të bëjmë ne do ta mundim Lulzim Bashën,” tha Bushati duke shprehur shqetësimin për terminologjinë me gjithë dokumentet që ka miratuar qeveria shqiptare dhe objektivat e kësaj rezolute, që sipas tij, nuk janë në përputhje:
“Në qoftë se ne kemi hallin se si penetrojnë këto ndikime në media, jemi ne që kemi çuar një tekst në OSBE për paketën anti-shpifje dhe në qoftë se duam referencë që të përmbushim standardet e OSBE-së dhe BE, në qoftë se kemi nevojë për këtë gjë, po.
Por nëse miratojmë këtë rezolutë, e zëmë jam Edi Rama kryeministër, çfarë objektivash me keni vendosur në këtë dokument? Çfarë mekanizmash dhe çfarë detyrash me keni dhënë që nuk i kemi bërë deri më sot?”, u shpreh Ditmir Bushati duke kërkuar të bëhet një analizë e thelluar për këtë proces dhe jo të miratohet një rezolutë e cila nuk është në përputhje me strategjinë e qeverisë.
“Me duroni se e kam të nevojshme t’ju them, se jemi vend anëtar i NATO-s, nuk është vend dordolec. Dhe ju keni bërë dy vite për të lëvizur me ministrinë e Mbrojtjes nga aty ku ishit, te Shkolla e Bashkuar sepse është vend anëtar i NATO-s sepse kishte infrastrukturë dixhitale aty dhe e certifikon dikush tjetër. Unë po ju them që na duhet qasje kombëtare për këtë proces. S’mund të dalim jashtë kësaj tradite.”
Në fund, përkundë qëdrimit kundër Edi Ramës dhe mospërfillës ndaj Lulzim Basha, rezoluta është miratuar edhe me një pjesë të votave të deputetëve të “Opozitës së Edi Ramës”.
