Pengohet armëpushimi në Gaza, sulme ajrore të militantëve palestinezë

Militantët palestinezë kanë hedhur sot dy raketa në drejtim të Izraelit nga Gaza, ndërkaq ushtria izraelite është përgjigjur menjëherë me një numër të sulmeve ajrore ndaj caqeve të militantëve.

Sirenat u dëgjuan pas mesnatës në qytetin Beersheba, raporton RFE, 35 kilometra nga kufiri me Rripin e Gazës, që paralajmëronin sulmet ajrore.

Luftimi më i madh mes dy palëve kishte ndodhur të martës kur izraelitët e vranë një komandant të xhihadit islamik të mbështetur nga Irani, që konsiderohej kërcënim i madh.

Autoritetet në Gaza thanë se 34 palestinezë mbetën të vrarë në dy ditët e luftimeve, shumica nga ta civilë.

Sulmet ajrore të militantëve paralizuan pjesën jugore të Izraelit dhe arritën afër jugut të Tel Avivit. Dhjetëra izraelitë u lënduan si pasojë e sulmeve.