Shqiptari përgatit arratisjen nga burgu grek…

Një shqiptar i dënuar ka tentuar arratisjen nga burgu i Kretës në Greqi. Ngjarja ka ndodhur ditën e mërkurë më 30 Maj, ndërsa është bërë publike sot.

Sipas shtypit grek, shqiptari kishte tentuar të priste hekurat e qelisë. Por për shkak të pamundësisë dhe vështirësive që hasi për t’u larguar, hoqi dorë nga përpjekja e tij dhe u rikthye në qeli.

Pas zbulimit të ngjarjes, autoritetet e burgut ushtruan kontroll në qelinë e tij dhe të burgosurve të tjerë.

Aty gjetën disa mjete të ndryshme të improvizuara, raporton Tv Klan.

Për këtë incident ka nisur një hetim paraprak. Emri i të burgosurit shqiptar nuk është bërë me dije.