Survejimi nga policia, Basha mbledh drejtuesit e PD/ Ja çfarë po diskutohet…

Kryetari i Partisë Demokratike, Lulzim Basha, ka thirrur në një takim urgjent drejtues të kësaj partie, lidhur me survejimin nga policia të tij dhe familjarëve. Në media u transmetua një lajm sipas të cilit forca të ROS survejonin kreun e opozitës dhe familjarë të tij, ndërkohë që zyrtarisht nuk dihet prej sa kohësh ndodh një gjë e tillë dhe kush e ka dhënë urdhërin.

Burime nga Partia Demokratike kanë bërë të ditur se kreu i opozitës Lulzim Basha ka mbledhur drejtuesit e PD-së dhe të grupit parlamentar pas lajmit për survejimin e paligjshëm nga policia të kreut të opozitës dhe familjes së tij.

Në takimin urgjent janë të pranishëm nënkryetarët e PD, Edmond Spaho dhe Edi Paloka, nënkryetarët e Komisionit të Ligjeve dhe Sigurisë, Enkelejd Alibeaj, Flamur Noka dhe deputetet Oerd Bylykbashi, Gent Strazimiri dhe Ervin Salianji.

Pak ditë më parë, Partia Demokratike publikoi audio-përgjimin ku shfaqej Dëshmitari X dhe Agron Xhafaj, vëllai i ministrit të Brendshëm, Fatmir Xhafaj.