Rama flet për punësimet nga Zyrat e Punës dhe sulmon kompanitë/ Mashtrojnë për…

Kryeministri Edi Rama bëri të ditur se në 3 muajt e parë të 2018 janë punësuar nga Zyrat e Punës mbi 10 mijë qytetarë. Rama tha se objektivi ëhstë që deri në fund të vitit numri i punësimeve të arrijë në 25 mijë.

Por në fjalën e tij, Rama sulmoi kompanitë e mëdha, duke i akuzuar si gënjeshtare, në lidhje me deklarimin e pagave. Sipas Ramës, për profesione të tilla si economist, financier apo inxhinier, deklarohen paga 30 mijë lekëshe, gjë që është mashtrim.

 “Në cdo kompani po të trokasësh do të shohësh që ka vende të lira pune. Problemi i kompanive është aftësia specifike për mbulimin e nevojave të vendeve të lira të punës. Në këtë drejtim nuk ka një zgjidhje që jepet sot për sot.

Por domosdoshmëri mbetet fuqizimi i sistemit të arsimit profesional. Nëse reforma jonë e arsimit profesional do të ishte bërë 20 vjet më parë, do kishim një tjetër situatë. Por sot rritja me shpejtësi e numrit të nxënësve që shkojnë në shkollat e arsimit profesional, ka filluar të japë shenjat e para të punësimit të të rinjve.

Ne në Shqipëri kemi një problem me pasqyrën formale të pagave që vjen si rezultat i një pjese të pagave që jepen në të zezë. Mjafton tu them se ne kemi 41% të pagave në kompanitë që hyjnë në fashën e biznesit të madh që janë 300 mijë lekë. Kjo është gënjeshtër, që një financier, ekonomist apo inxhinier brenda për brenda kompanive të paguhen 300 mijë lekë. Kjo nuk është e mundur. Këtë e thonë edhe të gjitha të dhënat e brendshme që ne kemi. Ky është një nga ato momentet që jemi përqëndruar dhe ka nisur një proces për ta luftuar këtë fenomen”, tha Rama.