Nobelisti Peter Handke shpallet person i padëshiruar në Kosovë
Shkrimtari dhe Nobelisti, Peter Handke është shpallur person i padëshiruar në Kosovë. Këtë e ka konfirmuar përmes një postimi në rrjetin social Twitter, ministri i Jashtëm në detyrë i Kosovës, Behgjet Pacolli.
“Sot kam vendosur ta shpall Peter Handke si persona non-grata në Kosovë për shkak të mbështetjes që ai i dha Millosheviçit dhe politikave të tij gjenocidale në Kosovë dhe Bosnje e Hercegovinë dhe mohimin e gjenocidit të kryer nga Serbia,” thekson Behgjet Pacolli duke shtuar se Komiteti i Nobelit tregoi mosrespekt ndaj viktimave të genocidit.
Ndryshe, shkrimtari austriak Peter Handke i cili ka mbështetur haptas kriminelin serb Sllobodan Millosheviç dhe krimet e tij të kryera në Kroaci, Bosnje e Kosovë, është bojkotuar në ceremoninë e dhënies së Çmimit Nobelit nga Turqia, Kroacia, Kosova, Shqipëria dhe Bosnje e Hercegovina, ceremoni e cila u zhvillua dje në Stokholm të Suedisë.
Ndërkohë, Presidenti i Serbisë dhe Ish-Ministri i qeverisë kriminale të Millosheviçit, Aleksandar Vuçiç, duke uruar Peter Handken për Çmimin Nobel për Letërsi, me sinqeritetin e një vrasësi të joserbëve nëpër Ish-Jugosllavi, tha se këtë çmim serbët e përjetojnë sikur e ka fituar “njëri prej nesh”.
