Betohen prokurorët e SPAK, SHBA: Do të identifikohen dhe hetohen Zyrtarët dhe bosët të krimit!

Shtetet e Bashkuara kanë përgëzuar tetë prokurorët të cilët u betuan këtë mëngjes si anëtarët e parë të Zyrës së Prokurorisë së Posaçme, duke shënuar një hap të rëndësishëm në themelimin e Strukturës së Posaçme Anti-Korrupsion dhe Krim i Organizuar, SPAK.

“Nga dita e sotme, Shqipëria ka një organ prokurorësh të angazhuar për të identifikuar, hetuar dhe vënë përpara drejtësisë zyrtarë të kaluar apo aktualë dhe bosë të krimit – individë që në kohët e vjetra janë konsideruar si të paprekshëm,” thekson Ambasada e Shteteve të Bashkuara në Tiranë në reagimin e saj përmes rrjetit social Facebook duke konsideruar se tashmë Shqipëria nis një fazë të re të zhvillimit të saj demokratik dhe ligjor duke përfunduar:

“Shtetet e Bashkuara do të mbeten një partner i palëkundur në mbështetje të SPAK dhe të të gjithë atyre që kërkojnë ti japin fund pandëshkueshmërisë dhe të sjellin drejtësi për popullin shqiptar.”