Komshiç: Për mua Kosova është shtet i pavarur!

Anëtari i Presidencës së Bosnje Hercegovinës, Zhelko Komshiç, tha sot se pavarësisht a ekziston njohja e ndërsjellë në mes Bosnje Hercegovinës dhe Kosovës, kjo punë është fakt i kryer.

“Siç qëndrojnë tani punët, duhet të presim, edhe pse unë nuk kam dilema se Kosova është shtet i pavarur,” tha Komshiç në një intervistë për Televizionin publik të Kosovës, RTK, ndërsa ka sqaruar nëse ka dakordim për këtë:

“Nuk kam dakordim për këtë, por kam të drejtë të kem qendrim timin. Unë nuk do të flas gjithmonë atë që është e dakorduar, për shkak se ne jemi tre në Presidencën e BH nuk do të thotë se më duhet autorizimi i Presidences për të thënë diçka. Në veprimet e mia diplomatike duhet t’u permbahem disa rregullave të cilat vlejnë në BH. E përsërisë, për mua Kosova eshte shtet i pavarur! Kjo tashmë është punë e kryer, vetem është çështje e momentit kur do ta pranojnë te tjerët në rajon.”

Lidhur me një marrëveshje të mundëshme mes Kosovës dhe Serbisë, Komshiç e thotë qartë se ky nuk mund të jetë precedent:

“Gjithë ajo që po ndodh me Kosovën, posaçërisht bisedimet mes Beogradit e Prishtinës, janë çështje e marreveshjeve të tyre. Por për çfardo që ata bien dakord, nuk mund të jetë precedent për zgjidhjen e problemeve, siç thuhet në Ballkanin Perëndimorë e posaçërisht në Bosnje Hercegovinë.”