Padia e Metës kundër Dvoranit, dosja i kalon SPAK

Prokuroria e Tiranës konfirmoi zyrtarisht mbylljen e hetimit duke shpallur moskompetencë për padinën e Presidentit të Republikës. Kështu hetimet për padinë e Presidentit të Republikës, Ilir Meta kundër kreut të KED, Ardian Dvoranit do t’i kryejë Struktura e Posaçme Anti-Korrupsion, SPAK.

Mësohet se  prokurori Alket Mersini ka shpallur moskompetencën për shkak të cilësive të veçanta që ka subjekti i kallëzuar, kryetari i KED, Ardian Dvorani. Deri tani, kjo është e vetmja dosje që Prokuroria e Tiranës ka dërguar pranë Strukturës së Posaçme Anti-Korrupsion, SPAK.

Ndryshe, Presidenti i Republikës, Ilir Meta, ka kallëzuar kreun e KED-së për veprat “shpërdorim detyre” dhe “përvetësim i titullit” pas përplasjeve me rastin e ngritjes së Gjykatës Kushtetuese.