Aksident i rëndë në Rrugën e Kombit, 1 i vdekur e 8 të plagosur. Policia jep detajet…

Një aksident i rëndë ka ndodhur mëngjesin e sotëm në Rrugën e Kombit ku ka mbetur i vdekur një person dhe janë plagosur 8 të tjerë.

Aksidenti ndodhi afër qytetit Rubik, kur një autobus që po lëvizte drejt Kosovës u përplas me një makinë tip “Alfa Romeo” me drejtues shtetasin Led Caka. Si pasojë e përplasjes, drejtuesi i makinës mbeti i vdekur në vend ndërsa u plagosën 8 pasagjerë të autobusit.

Policia lokale bën me dije se autobusi i një agjencie turistike është përplasur me një automjet tip “Alfa Romeo” me drejtues shtetasin L.C. Për pasojë, ka ndërruar jetë drejtuesi i automjetit.

Njoftimi i policisë:

Në qytet Rubik, Mirditë, janë përplasur automjeti i një agjencie turistike me drejtues K.M.,me  automjetin tip  “Alfa Romeo” me drejtues shtetasin L.C.

Si pasojë e përplasjes ka ndërruar jetë drejtuesi i mjetit “Alfa Romeo” shtetasi L.C si dhe kanë marrë dëmtime 8 shtetas që ndodheshin pasagjerë në mjetin me drejtues shtetasin K.M.,të cilët janë dërguar në spitalin e Mirditës dhe Kurbinit dhe ndodhen nën kujdesin mjekësor.

Grupi hetimor në vendngjarje punon për sqarimin e rrethanave të ngjarjes