Japan Airlines jep 50 mijë bileta falas

Me qëllim të shkarkimit të kryeqytetit Tokio, që është dhe organizatore e Lojërave Olimpike që mbahen në këtë vit, autoritetet japoneze në bashkëpunim me kompaninë ajrore Japan Airlines kanë vendosur që ti japin të gjithë turistëve të huaj biletat falas duke filluar nga 1 korriku deri më 30 shtator.

Pasagjerët me parimin “gishti më i shpejtë”, raporton CNN, do të kenë mundësi që të përzgjedhin katër destinacione ndërsa kohën e nisjes dhe njërin prej këtyre katër destinacioneve ku do të udhëtojnë nuk do ta dinë deri në ditën e nisjes.

Gjithsesi, në gjithë këtë ofertë ka dhe një sekret.

Kompania ajrore financon rrugën nga aeroporti në Tokio, Osaka dhe Kasai deri në destinacionin final ndërsa pasagjerët fatlum duhet të kujdesen për bileta nga shteti që vijnë deri në njërin prej këtyre qyteteve.

Turistët e interesuar mund të paraqiten në konkurs në mënyrë individuale, në çift ose si një grup prej 4 anëtarëve.

Ndryshe, Qeveria e Japonisë pret që “efekti i lojërave olimpike” do të sjellë 10 milionë vizitorë shtesë gjatë vitit 2020. Vizitat e turistëve të huaj në Japoni nga viti 2013 deri në fund të vitit të kaluar janë dyfishuar.