Fotot e viktimës/ U aksidentua para dy ditësh, nuk po e identifikojnë dot
Publikohen fotot e viktimës së aksidentit i cili ndodhi dy ditë më parë pranë fshatit Humelicë në Gjirokastër i cili ende nuk është identifikuar.
Viktima, rreth 60 vjeç mbeti pa jetë mbrëmjen e 5 janarit kur u përplas nga një autobus i linjës Vlorë – Athinë.
Sot, kërkohet ndihma e medias nëse dikush e njeh. Më herët banorë të zonës dhe drejtues mjetesh informuan policinë për një person që kalonte në këmbë rrugën pranë fshatit Humelicë në rrugën nacionale Gjirokastër-Tepelenë.
Viktima i paidentifikuar mendohet të jetë bari ose i pastrehë me probleme mendore.
